Du må være innlogget for å få tilgang til alle nyheter! Logg inn eller opprett brukerkonto.

Frå Bjødnabu til Pundsnes

Frå Bjødnabu til Pundsnes

I årets første blogginnlegg tar Leif-Ole Terøy oss med på fjorårets siste tur; ein god langtur i hjelmelandsheia. FOTO: Linda Tungland

Eg vil denne gongen ta for meg ein kjempefin tur, og som i tillegg er lett å gå. Det er nesten berre «unnabakke» heile vegen. Grunnen er at vi starter på topp, Bjødnabu (454 meter over havet), og går ned til Pundnes på Hjelmeland, nesten ved sjøen.

Tekst:

Publisert:

Dette er ikkje ein kveldstur, til det er den litt for lang, og i tillegg skal vi jo kose oss undervegs!

Starten er altså på Bjødnabu, og ein må førebu seg litt. Det er nemleg ein fordel om ein denne dagen kan bruke to bilar. Den eine vert parkert på Pundsnes, ovanom «Tappen», heilt oppe ved den kommunale vanntanken.

Så kjører vi den andre bilen opp til Bjødnabu. Vi kjører fylkesvegen mot Vormedalen og tek av til høgre rett før tunnelen, og følgjer så Husstølvegen opp til parkeringsplassen på Bjødnabu.

Her er det laga til eit flott skianlegg med lysløyper og klubbhus. Når det er snø vert det køyrt opp løyper her, og dette anlegget er ein av grunnane til at Hjelmeland Idrettslag har ei aktiv og flott skigruppe.

Se bildet større

Det kan vere flott ved Forevatn. FOTO: Leif-Ole Terøy

Vi skal gå turvegen ned til Pundsnes, og parkerer på den store parkeringsplassen, nær klubbhuset. Så følgjer vi skogsvegen som går til eit hyttefelt eit lite stykke, før vi tar av på ein sti som går ned til venstre langs eit gjerde.

Denne fører ned til Forevatnet og vi går over den vesle brua her. Då må ein passe på! Denne stien er godt merkt, dei fleste stader, men akkurat her kunne ein vore meir presis. Vi skal ta av opp til høgre/rett fram, ikkje gå til venstre langs vatnet!

Eit lite tips her: Dersom du har ein iPad eller nettbrett, og lastar ned appen «Kommunekart», og finn fram til Bjødnabu og Forevatnet i Hjelmeland, så vil du kunne sjå stien mest heile vegen ned til Pundnes. Andre kart-appar er og nyttige, ttil dømes «Ut.no».

Vi kjem etter kvart inn på ein god sti, og det er lett å gå. Stort sett er det ope terreng, men litt skog må vi sjølvsagt gjennom. Etter om lag to kilometer kjem vi til Fiskeløysvatnet, og kanskje passar det med ein liten kvil her?

Se bildet større

Stien går forbi Fiskeløysvatn. FOTO: Leif-Ole Terøy

Eg har lurt litt på kva namnet «Fiskeløys» kjem av, men ikkje funne noko svar. Kanskje det er eit godt fiskevatn? Det er i alle fall eit namn som går igjen fleire stader i landet, og nokon veit gjerne kva det tyder?

Etter ytterlegare ein kilometer kjem vi til Valavatnet. Eit stort vatn som ligg på omtrent 441 meter over havet. Valavatnet er stort, og vert nytta som drikkevatn for Hjelmeland. Det må ein ta omsyn til. Men kva er vel trivlegare enn å stoppe her, finne fram litt ved frå sekken og fyre opp eit bål? Når det er lovleg sjølvsagt! Så kan ein grille pølser eller koke seg kaffi, og ha ein god kvil før ein ruslar vidare.

Se bildet større

Valavatn. FOTO: Leif-Ole Terøy

Og her er den andre staden ein må vere litt påpasseleg! Opp frå vatnet går ein mot ei myr, og ein skal ikkje gå inn dalen til høgre! Gå tvers over myra og finn stien på andre sida. Den går no mot venstre, og vi følgjer denne ei stund før vi kjem ned på ein skogsveg som til slutt endar på Børkja.

Men vi skal ikkje til Børkja! Vi skal til Pundsnes, så difor tar vi av på ein sti i enden av Raunstølsvatnet. Her er det godt merkt, og lett å finne fram. Det går då ikkje lenge før vi kommer til eit sti-dele, der ein kan gå opp til «Post 3». Eller Middagsknuten som er det offisielle namnet på fjellet. Denne avstikkaren bør ein unne seg. Den er ikkje lang, og ikkje spesielt hard heller. På toppen får ein flott utsikt mot Suldal i nord og Ryfylkeøyane i vest.

«Post 3» er altså den høgaste av dei tre postane som hjelmelandsbuen nyttar for trim, frå Pundsnes eller frå Tuntland. Det er då sjølvsagt to postar lenger nede, og så vel ein kor mykje trim ein vil ha! Det ligg bøker på alle postane slik at ein kan få skrive namnet sitt, og sjå om nokon andre har vore «like flinke».

Se bildet større

På vegen ned mot Pundsnes er det mange opne områder, og her ser ein mot Ombo. FOTO: Leif-Ole Terøy

Nå ber det rett nedover! Og det er faktisk ganske langt ned til Pundsnes! Det er god sti, og ikkje lett å gå feil, og stort sett går det altså nedover. Akkurat det er ikkje alltid det lettaste, for det «leiter» på knea å gå mykje nedover.

Det er ein fin tur ned til Pundsnes, og ein ser både Hjelmelandsvågen, Steinslandsvatnet, Espeland og mykje meir på vegen ned. Så bruk auga godt!

Nokre brukar denne turen til trim, og spring heile vegen. Den var også ein del av triatlonløypa i «Bjødnaløpet» som Hjelmeland IL arrangerte nokre år. Vi tek det meir med ro, så etter om lag fire timar er vi nede ved bilen, og kjører tilbaker til Bjødnabu for å hente bil nummer to. Slikt blir det heil dagstur av!

Det var siste turen for i år! Så då er det berre ein ting å gjere: Ønskje godt nytt turår i 2016!

Nøkkelord

Se bildet større

Etter brua ved Forevatnet kjem ein til desse skilta. Gå om lag rett fram her, ikkje ta til venstre! FOTO: Leif-Ole Terøy

Se bildet større

Det er godt med skilt undervegs. Her ved Valavatn. FOTO: Leif-Ole Terøy

Se bildet større

Når det er lovleg: Kva er vel koselegare enn eit bål for å grille eit par pølser og koke litt kaffi? FOTO: Leif-Ole Terøy

Se bildet større

Naturen finn på mykje rart av og til! Det gjeld å sjå godt etter! FOTO: Leif-Ole Terøy

Se bildet større

Raunstølsvatnet. I enden av dette vatnet tek stien av til høgre. FOTO: Leif-Ole Terøy

Se bildet større

Utsikt frå Middagsknuten, mot Nesvik og Suldal. FOTO: Leif-Ole Terøy

Se bildet større

Utsikt frå Middagsknuten, vestover mot Ryfylkeøyane. FOTO: Leif-Ole Terøy

Se bildet større

Ein har god utsikt, mellom anna mot Mjølhus. FOTO: Leif-Ole Terøy

Se bildet større

På vegen ned mot Pundsnes er det mange opne områder, og her ser ein mot Ombo. FOTO: Leif-Ole Terøy

Se bildet større

Steinslandsvatnet og Kvame. FOTO: Leif-Ole Terøy

Se bildet større

Fager kveldssol smiler. FOTO: Leif-Ole Terøy

Nyheter fra andre aviser

Jærbladet

Solabladet

Sandnesposten

Bygdebladet

Gjesdalbuen

Dalane Tidende

Delta i debatten

Vil du kommentere sakene på Strandbuen.no?

Strandbuen benytter Disqus til debatt og til å kommentere saker og artikler. Du kan benytte innlogging/identifisering fra din Disqus-, Facebook-, Twitter- eller Google-konto for å poste kommentarer.

Nyheter på mobilen

Få de siste nyhetene på mobilen!

Dersom du åpner strandbuen.no fra en iPhone eller annen smarttelefon vil du få opp en tilpasset utgave tilpasset små skjemer.

Send inn tips

Nyhetstips? Skjer det noe?

Vi er takknemlige for alle slags tips.

Tips oss på 51 74 47 50 / 400 08 750 eller redaksjon@strandbuen.no. Du kan også tipse enkelt med mobiltelefon via SMS/MMS. Send SBU TIPS (skriv tipset) til 1963

Do NOT follow this link or you will be banned from the site!